重溫多啦A夢

[李燦蚊]

以前睇宜家好懷疑海兔係隻咩生物，現實真係存在?
佢個配色成隻異形咁...

海兔其實即係巨型版的海蛞蝓
https://zh.wikipedia.org/wiki/%E6%B5%B7 ... F%E5%B1%9E

[靈長類動物]

1655-<<時間儲存銀行>> / <<時間銀行>> (第4輯)

呢集個概念好正，相信大家都會好想有呢樣工具，可以節省不必要的時間（如等車、等人）
換做自己有效的工作小時、抑或娛樂，畢竟人每日只有24小時。
但係，呢集存在一個bug位： 大雄借咗額外嘅時間同靜香相處，咁樣靜香個時間觀會否一同少咗3小時?
如果係"是"，咁即係靜香一同會跳到去9點? 如果是"否"，靜香會額外獲得"3小時“？
呢個位置無交代是一個bug
而且，故事個結尾都幾容易估，通常債仔向銀行借到無哂錢，呢到個債大雄就借到無哂時間，
整體o黎講，個故事橘段唔存在乜野好大驚喜，好有日常公式感，
但見法寶個音效幾搞笑，同埋大雄同靜香sweet的畫面令到個故事加返d分，
加上件法寶個concept係正的，我會俾6.5分中規中矩。

1650<<笨豬彈射台>> / <<高空彈射器>> (第4輯）

記得2014年（無錯＝ ＝, 10年前我就想做第4輯review的project仲要一口氣睇哂) 我翻睇呢集覺得個譯名好奇怪，唔係好明關笨豬跳咩事。但今次再翻睇，我發現係笨豬跳 + catapult 彈射器嘅組合，我唔識物理學，唔知件法寶make 唔make sense，但呢件法寶同"可到任何地方大炮" + “用弓箭飛到學校" 相似，差別係呢件法寶會短暫到目的地，再會折返原點。
搞笑嘅係，胖虎喺空地見到大雄就搶咗o黎用，首先件o野咁大件，仲要放喺空地，你預咗胖虎見到一定搶架啦，
之後個劇情仲痴線，胖虎竟然搵條繩綁住咗大雄，你確定呢個行為係正常?仲要出自一個小學生...
所以就係話製作組去到後期好似真係有心妖魔化咗胖虎咁，
之後眾人包括出木衫都被胖虎搶走物件，故向多啦a夢投訴，
但最大個問題應該係胖虎吧， 就算佢唔用件法寶都可以照搶咗你嘢?
好在，最尾個結局總算整一整胖虎，如果唔係條氣真係睇到唔gur。眾人一齊搬件法寶個種齊心協力係幾正嘅，
呢一集我會歸類佢做刺激／遊樂類別，即係同"坐過山車返學"、"磁浮動力粉筆“同一類。
睇住大雄周圍飛都幾過癮嘅，我都會俾呢集6.5分。

p.s. 點解最近集集都係6.5分？ 因為我無跟no. 睇，我係跟住youtube 彈出來的國語版睇，所以睇緊d 自己較有興趣的集數。 fyi, 6.5分 = B

[靈長類動物]

尼度可不可以井多d 0.0
典解無啦啦為左尼集而在小城註冊 0.0

當年小學生活無手機，平日都係返學／睇+錄多啦/睇漫畫 ／打機，
睇返個集數number,呢集好易賺的100yen 應該係至net小人類集數裡面被抽起嘅，
之後被安排於第5輯播完的時間播放，於是呢2集都被歸納於第5輯。
因為一般多啦長期都係星期一播，呢集突然間在星期六播，而且得1集，
所以當年大家係有 討論的
所以我都特登想參加討論而註冊成呢到嘅會員。

系米想同巧儀坐?
定有傑哥有其他心上人, 介5介意分享下

黃巧儀唔係我心上人－ － 你個database 係咪有錯咗
我幫你update吓， 我中六同粟米一齊坐，我鍾意佢，但係我無同佢示愛，然後我嘅中學生涯都無拍過拖。
雖然呢一樣係我成長階段一個好大嘅遺憾，但呢d日常翻，特別係小丸子最多呢d 調位、選班長之類的劇情，
都會會心微笑。
詳情請留意我發佈嘅新歌，我會鉅細無遺將我嘅成長經歷寫哂喺歌裡面，你想知幾多都得，幫我comment like 同 share  

另外，我宜家每日睇2段多啦故事，再每日上o黎呢到打讀後感。
因為應承咗你，暫時將呢d review 用文字表達先，日後先用影片介紹，希望你收貨

[李燦蚊]

當年小學生活無手機，平日都係返學／睇+錄多啦/睇漫畫 ／打機，
睇返個集數number,呢集好易賺的100yen 應該係至net小人類集數裡面被抽起嘅，
之後被安排於第5輯播完的時間播放，於是呢2集都被歸納於第5輯。
因為一般多啦長期都係星期一播，呢集突然間在星期六播，而且得1集，
所以當年大家係有 討論的
所以我都特登想參加討論而註冊成呢到嘅會員。

我都係錦, 真系好懷念果陣 / 3 \
可以日日放學無憂無慮咁睇多啦, 然後上網同傾, 尼D現實做唔到- -

黃巧儀唔係我心上人－ － 你個database 係咪有錯咗
我幫你update吓， 我中六同粟米一齊坐，我鍾意佢，但係我無同佢示愛，然後我嘅中學生涯都無拍過拖。
雖然呢一樣係我成長階段一個好大嘅遺憾，但呢d日常翻，特別係小丸子最多呢d 調位、選班長之類的劇情，
都會會心微笑。

尼度可摸耳井多D 0.0  想聽吓小丑P ge 情史

因為應承咗你，暫時將呢d review 用文字表達先，日後先用影片介紹，希望你收貨

收貨, 都收貨, 哪次不收貨- -

[靈長類動物]

尼度可摸耳井多D 0.0  想聽吓小丑P ge 情史

呢方面無咩o野值得講
留意我最新動向啦, 整緊新歌, 應該月尾出到 , 你會知道更多故事

[李燦蚊]

尼度可摸耳井多D 0.0  想聽吓小丑P ge 情史

呢方面無咩o野值得講
留意我最新動向啦, 整緊新歌, 應該月尾出到 , 你會知道更多故事

講黎聽下, 順道當係比個機會你梳理下自己ge過去- -

[靈長類動物]

今日翻睇咗第4輯嘅第一名雷達同求求你忍耐大王
感想待補

[靈長類動物]

呢3星期因為奧運多啦a夢搬左上10點半播
彷恍回到18年前的時光機時間
真令人懷念...幫李狗講埋對白

[靈長類動物]

準備補返keroro 第3輯+水田多啦第9輯
小丸子要棄坑啦，已經無力追，tvb 唔知點解1星期可以播5－7日小丸子，好癩

[靈長類動物]

水田多啦第9輯Day? Review
播放日期：2023-1-2 (一）
日本播放日期；2017-1-27
重溫日期：2025-4-27
故事內容：829泰山短褲、830襟章探測器

829-泰山短褲
時間: ?分?秒
漫畫原著:單行本31
刪剪內容：沒有

感想 by  p:
呢集好睇，本身大山版只有一次動畫化，本身藤子sir似乎對「泰山」情有獨鐘，有唔少話數都同泰山有關。呢集水田版好睇在於本身「ah ah ah」呢個說話係會呼叫都唔同動物，你睇漫畫無聲音，但配埋音就變咗好好笑，因為個發音根本就差唔多，係個gag位。
話說又係有戶人家養獅子，究竟呢樣嘢真係合法？ 定係藤子自己幻想嘅嘢？ 總結成個故事10分鐘簡單得o黎好笑，係一集精彩的作品。D 貓貓狗狗畫面好搞笑好得意， 8分

830襟章探測器
時間: ?分?秒
漫畫原著:單行本9
刪剪內容：沒有

感想 by  p:
即係捉伊因遊戲，呢個法寶其實現今科技已經實現到（gps），不過如故事所講，可以用作跟蹤用途，呢個科技真係睇你點運用…在呢個故事有眾人登場的戲分，大雄扮演棒球隊經理人的角色，我都覺得幾好睇，只係以10分鐘嘅動畫長度，中間節奏有d慢（胖虎發現徽章有追蹤功能的時候，其實應該好易察覺吧），所以扣咗d分，我會俾7分呢集。