1.收音機, 電視機一報導重要野時會特別大聲,報導完之後又靜返~
2.如果有打機情節，部機永遠過時
3.即使現場得主角一個人..心諗既野都會口upup咁講出黎..慌死你跟唔上劇情推進..即係例如拎起隻戒指,自己同自己講"蝦,點解亞乜乜隻戒指會晌呢度既?"...
又或者晌街見到個自己個friend既bf / gf同第個人一齊"丫..點解xxx 會同xxx一齊既?..等我跟去睇下先"..諸如此類..
4.玩icq個陣d人總會一路打字一路講內容，都唔知講俾邊個聽
5.扮日本人永遠在一句既尾會講「架」
6向西片入面既中國女人一定係著旗袍同化濃妝,仲要化到隻眼腫腫地
7.當一群人聚集的時候，主角一定能夠從容地湧入人群的最前部份。
8.男女主角無時無刻都會o係街上"偶遇"到,特別係d大節日,如christmas,雙方o係
冇人約之下,兩個人各自單獨o係街行,然後總會o係同一條街/過馬路時兜口兜面撞到
9.女扮男妝, 好明顯睇得出係女兒身,但係戲中竟然無人會知, 以為男人
10.最後一場show hand必定係四條對同花順
11.犯罪組織永遠會將機密放係一張光碟/磁碟度等警方搵到方便落charge
12. 當出現捉姦既情節，女主角衝入房既時候，姦夫同個情婦一定唔係扑緊野，通常都只係食緊事後煙。
不合理電影情節2:
1.主角被一班人追殺到後巷，事必有一排竹可以給主角推倒而借機逃走。
2.女人廁所講是非，受害者一定在其中一格。
3.反派預備殺主角之前，一定長篇大論一輪都唔開槍，等主角有機會搵到物件反
擊，又或者等到主角的幫手趕到來殺死反派(在007電影中最常出現)。
4.警察從後追賊時，個賊根本未發現個警察，但個警察一定好大聲叫個賊"咪走"，
慌死個賊唔知有人追緊
4.日本卡通片入面，當某人要置某人於死地，配音o既總會嗌一句 "受死啦!"
5.卡通片中成日都聽到“豈有此理”, "可惡呀”！
6.警司一定會同下屬講 "上頭好緊張呢單case"好似單單case都有呢句
7.D睇相佬一定話天機不可洩漏, 之後就一五一十咁講出黎~
8.手提電話到緊張關頭一定會唔通，或者無電，用以加深男女主角間的誤會。
男/女主角打電話比對方，一定只會響兩三下就會假設對方不在，然後收線，對方
一定接唔切電話。作用亦都係加深雙方的誤會。
9.女主角同男主角被追殺,女主角實會跌低兼扭親隻腳!
10.如果兩個人響屋企鬧交﹐其中一個奪門而逃﹐另一個只會追到度門"砰"埋就唔會再追。
11.男主角心愛著女主角，但因為種種原因唔接受女主角，女主角要離開傷心地，
古裝片會去渡頭坐船，時裝片會去機場坐飛機。男主角到最後一刻，一定唔捨得女主角，趕去渡頭/機場，到左之後架船/班機一定已經開走左。
當男主角後悔莫及時，女主角一定無上到船/機，在男主角身後出現，當然結局一
定要來一個擁抱/吻啦!!乜船飛同機票好平既咩??
原出題者:叮叮噹
![叮噹小城城主 [榮譽]](./images/ranks/high_2.gif "叮噹小城城主 [榮譽]")
新主題
網站地圖
RSS Feed