資料來源: http://hk.apple.appledaily.com/enews/re ... 4/53195794
大導演Christopher Nolan嘅《星際啟示錄》(Interstellar)上到o依家都仲上緊,當中嘅話題性不絕,尤其戲中嘅科學理論睇到港女搲晒頭。
而最近有網民就發現,《星際啟示錄》同2009年《哆啦A夢》劇場版《宇宙開拓史》有好多驚人相似嘅地方!《哆啦A夢》本身係科幻漫畫,而呢部劇場版係講宇宙,點講都唔少得講到「蟲洞理論」,亦以最大路嘅方法,亦即係《星際啟示錄》中,喺一張紙上面畫兩點,再摺起去解釋,係最易明同最流行嘅方法,點都唔算抄,因為大家講緊嘅係同一種理論。
不過《宇宙開拓史》入面,出奇地出現粟米田,又係講緊植物全部都枯萎,然後仲有火燒粟米田嘅情節,同《星際啟示錄》差不多一模一樣!最奇怪嘅係,《星際》兩位主角去到一個海洋嘅星球,點知好快就有幾十層樓高嘅海嘯出現,而《宇宙開拓史》竟然都有一個海嘯嘅星球!而《星際啟示錄》表面係一套科幻電影,其實宗旨都係講緊「愛」,「愛」甚至可以突破空間,主角Cooper去到五次元空間,靠住對愛女嘅思念,突破咗時間,去返佢哋以前間屋嘅書櫃(同《多啦A夢》個櫃桶似唔似?),向細個時嘅愛女發放訊息,咁啱《宇宙開拓史》結局,亦係話「思念」可以超越時空傳遞訊息!而且呢個只係電影版,原著喺81年已經發表,所以話《多啦A夢》真係行得好前!
以上種種,其實都可以係巧合,但巧合在Nolan唔係第一次被指參考日本動漫作品,佢嗰部《潛行空間》(Inception)未上映前,已經被指同已故嘅日本動畫 [...]