請原諒我打口語..不想又重新打一次
等我講一下成件事的始末
希望大家俾D持平嘅意見我
話說我就攞咗一D舊式錄影帶去轉dvd,佢地係卡通片叮噹,total有5餅
我就攞咗2號同4號俾 A先生
又攞咗3號帶俾B商店
兩度比較之下,我覺得B商店做得比A先生的技術更為出色
B商店的技術做到無論係音色定畫面都有好好嘅保留
所以我就決定將1,2,4,5俾B商店整
最近,我就攞番D錄影帶啦
我發覺1號帶 有~30分鐘做得唔好,畫面扭曲,不過因為我自己郁過嚟,整曲D帶,所以其他部份錄到畫面/聲音ok我都收貨
5號帶最後20分鐘錄得差,不過我喺網上搵到相關片源,所以都接受
問題在於2號帶同4號帶,
A先生幫我修復過2餅帶,聲源方面都有80% ,不過仲係有D地方會突然無咗
例如:你好嗎?我很好! (個"嗎"字突然無咗聲)
根據第1次攞去的經驗,我就覺得B店應該都可以提供到完美的錄像俾我啦
點知錄出嚟製成品,D聲音斷下斷下,斷到根本無可能正常觀看
A先生錄俾我都有80%音色保留,不過因為畫面較差,加上聲音都唔係100%順,我先再攞去B店
點知我比較下 A先生同 B店的製成品(聲音), A先生錄到80%, B店先錄到50~70%
聲音斷下斷下, 1句 10個字無咗2個字, 更什者係成忽都無聲
D錄影帶就好奇怪,你第1下播"你好嗎,我很好" 無咗個"你"字個音 ;下一次播就會播到個"你"字,但無咗個'我"字
如果要錄到斷下斷下,我自己轉帶都得啦,洗乜俾間公司做...
就因為我唔識錄到100% loss-free 先俾個公司做
而且我係覺得間野好求其俾件貨我
因為我去攞嗰陣,完全無提到D聲音係錄到甩皮甩骨,要我番屋企睇番先知, 但錢就俾咗
第一係,如果會錄到甩皮甩骨,係咪應該錄之前就問我做唔做?
第二係,我覺得D帶嘅質素餅餅都差唔多,點解呢2餅會咁差, 係我保存得唔好定D佢地轉得求其?
其實我第1次攞去的3號帶都保存得唔好,但點解嗰俾帶會錄得咁好?
第三係,因為1號5號帶 要換盒,我特登打電話提如果有得keep就keep番嗰2個舊盒俾我,個老細都話好
但最後我攞番時完全無提過,就算個盒無得俾番我係咪應該同我講番聲
今日我打電話同B店講,個老細就咁樣回應:
錄影帶因為日久損失,所以錄到咁就係代表你餅帶質素係咁
點解3號帶整到, 2/4號整得咁差,因為錄影帶損壞程度不同
個盒個到,換盒先都整爛咗,無得俾番我
聽日親身攞碟/錄影帶俾佢睇,有問題就攞番俾師父整
我想問大家,究竟道理企我嗰邊,定一係B店嗰邊呢?