最新的消息、最深入的探討、最有價值的話題、最資深的多啦迷、最多原創作品、最具氣氛的討論區就是這裡! 歡迎來到多啦A夢綜合討論天地!
多啦A夢小知識: 香港:2008年4月14日及2008年12月22日多啦A夢內容

看完sbm2後,打一篇香港多啦a夢配音感想

有關叮噹的問題,討論,笑話...總之是有關叮噹的都歡迎到來

看完sbm2後,打一篇香港多啦a夢配音感想

未閱讀文章 #1樓, 由 靈長類動物 » 2021-08-15, 週日 1:58 AM , 繁簡轉換:  

文章連結:
剛剛(2021年8月14日)睇到tvb重新配音的Stand by me 多啦a夢2
4個月前才喺戲院睇過
順便開個post講一講配音的問題

===========================
首先講一講stand by me 2 的tvb配音名單

基本上都係最新班底(星期一時段)
大雄:陸惠玲 多啦a夢:黃昕瑜 靜香:梁少霞
胖虎:黃啟昌 小夫:黃鳳英
*大雄爸爸:葉振聲
*大雄媽媽:袁淑珍
*大媽奶奶: 雷碧娜
*代表星期一最新一輯的角色最新配音員


配音安排搞到一塌糊塗
一塌糊塗的原因是,原有的爸爸潘文柏、媽媽許盈因不獲續約問題轉自由身 (未到退休年齡)
而到退休年蔡惠萍,接上的雷碧娜亦難取代原有配音角色

原因很簡單: 這3位接手的配音員,實質已做了好耐好耐好耐配音
例如最新大雄媽媽(袁淑珍) , 佢最經典角色係戴翅偉(小志強亦不獲續約被迫退休)、愛德華.艾力克
雷碧娜則是花師奶,鳴門,而且佢本身係配骨川小夫嘅媽媽...雖然是大配角但佢的配音非常入形入格
頂手奶奶一角,卻令我諗起花師奶......
不是配音員的問題,而係佢地聲線太過深入民心,根本唔會可以取替到原有嘅配音,而且仲有個好致命嘅問題。呢班配音員全部都做咗好耐,相信離退休年齡亦不遠。難不成過幾年又要換過哂d配音員?


「大雄媽媽」粵語配音對比|《STAND BY ME 多啦A夢 2》《大雄之月球探測記》陳安盈、《STAND BY ME:>>

參考呢條片段,我口地可以得知近年香港配音員轉換有幾頻繁。基本上除了五人組固定不變,
呃,對唔住,
自從stand by me 2後,連五人組配音都可以任意改變.

雖然我是一名90後,我是多啦a夢年代,但我從大家口中/網上資源也得知,
以前會分TVB版本/VCD版本;除了91年的郭立文外,只有林保全才會在TVB+VCD兩邊走。
但感覺還是分明,至少很清楚是兩派人做。
之後到了我細個睇的年代(太陽王傳說),電影版和tvb已經一致。
但到了2006年左右,又會有tvb版/ 上映版(VCD/DVD)的分別,最明顯是小夫(電影時黃鳳英),TVB版時林丹鳳,
據說是版權 or 合約問題, 更會出現同一班人喺電影配完、再喺tvb重配o既事...... (eg.機械人王國)

去到今次Stand by me 2 多啦a夢, 問題更加嚴重,奇怪到一個點:
電影版:
我很高興電影公司找到了第一代的配音員大雄:曾慶珏與靜香:孫明貞,在娟姐死後曾慶珏多次為大雄配音,感謝她為這個角色的付出。 而孫明貞我只有從近年網上叮噹資源聽過佢把聲! 估唔到再有機會喺新版多啦a夢到靜兒把聲!  (dora3)
而小夫是黃鳳英,三代配音中我覺得佢一定係最傳神嗰個。

而睇翻tvb的配音名單,理所當然和星期一的恆常多啦a夢一樣。所以我直接一併評論最新的多啦a夢配音名單
多啦a夢:黃昕瑜
200分,本來保全叔handle水田版多啦已經很吃力,多次聽到走音情況。黃昕瑜後生,把聲非常有活力,相信很多人都覺得由佢處理叮噹呢個角色十分好

大雄:陸惠玲
不經不覺6ling接手大雄呢個角色已經14年(from 2007),大山版的表現是一般的;但由水田版開始大家慢慢也接受這個第三代大雄,到現在大家也認同6ling的聲音 = 大雄,雖則比起多啦a夢大雄的聲音或沒有那麼深入民心,但三代大雄對於每一代的觀眾也是很有記憶。

Stand by me2 (電影: 初代大雄 vs TVB:第3代+現役大雄)

靜香:梁少霞
靜香只有兩代,坦白講,梁小姐把聲真的好靚好靚,細個聽佢配靜香、或是其他角色也覺得超吸引。但水田版愈後期,佢就愈壓自己把聲,壓得不單至唔似細路女,反而非常唔自然......有人話因為佢年齡大咗,所以要去壓把聲扮細路。但我聽佢配stand by me2 的成人版靜香,佢把聲仲係好靚,唔太聽到有疲態。坦白講,佢o既演驛係我令我唔想睇水田多啦的原因,聽得我太辛苦 (dora21)

Stand by me2 (電影: 初代靜香 vs TVB: 第2代+現役靜香)

胖虎: 黃啟昌
他是第四代配音,在他之前是技安年代的郭志權與胖虎年代的陳卓智。我是看陳卓智的年代,佢中間離過巢,跟住便由黃啟昌接手到現在。不知道是否水田版的胖虎比較收臉/正面? 感覺上沒有大山版(中後期)那樣橫蠻無理、霸道。黃啟昌也習慣壓聲去配,不過佢係鼻音壓低把聲去凝重笨重感覺,呢一點陳卓智都有做過,但覺得陳會做得較自然,我會認為黃啟昌配得不過不失。

小夫: 林丹鳳
小夫是最難接的一位角色......我有看過少量方煥蘭配的牙刷仔,交棒期短暫配的袁淑珍,跟住就係黃鳳英阿福--->小夫。
點解會咁難接?黃鳳英係一位配音鬼才,佢會為角色去設計一D特色對白。著名角色如:哈姆太郎的樂樂、忍者亂太郎的新丁,只要是搞笑角色佢都會用一d自己的元素去寫落角色。唔計多啦a夢,佢o既配音什至比起大雄、靜香、胖虎更為突出,尤奇是大山版後期,溝d鄉下話又溝英文真的是鬼斧神工。由2006年開始林丹鳳開始在tvb電影片代配小夫一角,於2012年黃鳳英離巢後則完全接手。她當然亦有不少經典角色,百變小櫻基路仔、邪留丸等;而且她亦承接英姐的“特別配音技巧“,如一些港式英語、“去邊殊“等,我覺得她已很盡力去接手,但一相比下黃鳳英版實在無人能及。

圖檔
(電影: 第二代小夫 vs 第三代+現役小夫)

次要角色:
大雄爸媽(潘文柏、許盈)一同不獲續約而離巢,他們的接手人葉振聲、袁淑珍已在配音界撈了很久。雖則他們一般戲份都是恆常戲份,換了配音員不會太大影響。但我覺得幾可惜的,特別係許盈,由當初殘雞媽媽區瑞華轉到水田版的許盈,其實佢把聲幾岩水田版媽媽。宜家換咗袁淑珍,我認為不會太o岩大雄媽媽的角色。
老師亦轉了招世亮!

-----------------------
個人感想 + 離題

總括而言,我認為今日亂局係cctvb造成!因為傾唔掂數,唔肯放人,搞到配音名單亂糟糟:
由2006年起已經係,林丹鳳同黃鳳英同為tvb的配音員,一個配電影版,一個配tvb版,
去到今天2021年仲係咁嘅情況......
當然黃鳳英現在唔係tvb員工,但佢又以導師身份去做“好聲好氣“呢個節目。。。。。。
今次亂到要請初代大雄 + 靜兒出山,同香港一樣咁亂,可以有2個verison

o係第2個post我都有講,無咩特別都唔會開電視再睇星期一o既多啦a夢
政治原因當然係一個好大o既因素
其他原因上面都講咗,除咗黃昕瑜我好滿意外,其他o既配音員真係未食到哂水田版,
幾位提及過配音前輩年齡都大,你預咗隨時過幾年又換過新o既配音,對觀眾其實未必咁易接受
加上水田版經常重製重製又重製 (dora21)  (dora21)  (dora21)  (dora21)  (dora21)

圖檔
唔知大家有無留意tvb今年呢個<<好聲好氣>>節目,呢個節目係會叫d tvb藝員o係個節目裡頭配音。
當然娛樂成份居多,但一班配音員都有上節目露面!
而且tvb亦因為呢個節目成功而有意慾再重新搞配音班。
可惜,一切來得太遲了。
呢類型節目早十年就應該搞! 喺王維基不獲發牌時就應該有警覺性! Viutv打到嚟先臨急抱佛腳,
Sorry,太遲了。
可惜嘅o係到打工十幾廿年的老臣子實在無走嘅餘地,被迫陪葬。

  • 0
  • 0
頭像
靈長類動物
叮噹小城副城主
叮噹小城副城主
 
文章: 1564
註冊時間: 2006-06-17, 週六 3:53 PM
性別: 秘密
狀態: 潛水中
聲望值: 70
語出驚人語出驚人語出驚人語出驚人語出驚人語出驚人語出驚人語出驚人

Re: 看完sbm2後,打一篇香港多啦a夢配音感想

未閱讀文章 #2樓, 由 多啦Q夢 » 2021-08-15, 週日 6:46 AM , 繁簡轉換:  

文章連結:
其實我個人好懷疑“TVB不放人”這講法,因最近TVB配音員都有參演TVB以外配音,無理由只不允許配多啦A夢,而且有傳是製作公司不想與TVB合作造成。事實上年初TVB高層大地震之後明顯對配音組好了(至少表面上),配大雄爸爸的潘文柏已於今年7月返回TVB,而且藝員訓練班係3月的事,而《好聲好戲》是5月播出的。
最後由 多啦Q夢 於 2021-08-15, 週日 7:07 AM 編輯, 總共編輯了 1 次

  • 0
  • 0
圖檔
頭像
多啦Q夢
叮噹小城行政會議員
叮噹小城行政會議員
 
文章: 222
註冊時間: 2012-11-11, 週日 2:55 PM
性別: 秘密
花名: Q夢
聲望值: 78
語出驚人語出驚人語出驚人語出驚人語出驚人語出驚人語出驚人語出驚人

Re: 看完sbm2後,打一篇香港多啦a夢配音感想

未閱讀文章 #3樓, 由 野味大雄 » 2021-08-15, 週日 8:10 PM , 繁簡轉換:  

文章連結:
我昨晚是沒有看的 (也沒有在什麼渠道去看的打算), 因此也無法給予任何評價
電影版的配音是電視台高層不放人或是什麼我已無心再追究。平心而論, TVB的配音在高層轉換事件後好像的確是有從谷底反彈之跡象, 但已經無法令我重拾以往的那種感覺

TVB現在就像一道劃在我心底那深深的傷痕, 它做了什麼我已經不想再說, 但看到它的LOGO、聽見它的名已經會由心底裡重現那份憎恨(hatred)。我對在內裡工作的員工沒有惡意,亦佩服他們迎難而心上的能力。但這電視台於我眼中除了憎惡就沒其他


我不希望這份厭惡會長在我最喜歡的動漫畫之中, 所以定期看它播的《多啦A夢》已經是我的極限。

  • 0
  • 0
感謝大家7年來對叮噹小城的支持~希望小城能為你帶來美好的回憶
大雄的筆記本又來了0.0 http://blog.doracity.com
頭像
野味大雄
叮噹小城守護神 [最高榮譽]
叮噹小城守護神 [最高榮譽]
 
文章: 9858
註冊時間: 2003-12-05, 週五 4:27 PM
性別: 男
來自: 香港寶地上
稱號: 10歲打倒石石的
花名: 可愛的大雄
最愛: XBOX, 聊天, 看多啦A夢
狀態: 玩樂中
聲望值: 362
多啦神人多啦神人多啦神人多啦神人多啦神人多啦神人多啦神人多啦神人多啦神人多啦神人多啦神人多啦神人多啦神人多啦神人多啦神人

Re: 看完sbm2後,打一篇香港多啦a夢配音感想

未閱讀文章 #4樓, 由 靈長類動物 » 2021-08-15, 週日 9:35 PM , 繁簡轉換:  

文章連結:
多啦Q夢 - 14 Aug 2021 22:46 寫:其實我個人好懷疑“TVB不放人”這講法,因最近TVB配音員都有參演TVB以外配音,無理由只不允許配多啦A夢,而且有傳是製作公司不想與TVB合作造成。事實上年初TVB高層大地震之後明顯對配音組好了(至少表面上),配大雄爸爸的潘文柏已於今年7月返回TVB,而且藝員訓練班係3月的事,而《好聲好戲》是5月播出的。

我這個推論是出於自2006年起小夫同時有電影上映版和tvb版不同配音員的奇怪做法
+ 同一套電影要重新配音,明明同一班底
先會得出tvb唔肯放人的講法,我呢句不單止sbm2,而是泛指咁多年累積落o黎

的確,見到有好聲好氣節目,係見到tvb有意重新搞好配音組,應該話重新搞好整個tvb綜藝
(好聲好戲好明顯是演藝學園畢業的王祖藍搞)
但來的太遲了

-----------------
回野味 + 繼續離題

其實琴晚我都無打算睇 不過屋企係都要睇tvb,you know that  (dora3)
另外,關於TVB配音方面,如果你們都記得我除了多啦的最愛是數碼暴龍,
最近TVB買了20年後的重製版<<數碼暴龍:重啟>>,我也含淚睇了  :devil:
配音組方面也有找回當年(2000年) 的配音組合,包括亞古獸(陸惠玲)、石田大和(陳卓智)等
而八神太一 (黃鳳英) 則沒有參與,據說佢仲係自由身,佢擔任好聲好戲節目導師都係用自由身身份參與
記得當年(2011 or 2012),佢離開tvb時我在小城一個post講了句“點解要離開tvb,邊個配小夫之類"
有一位會員插我"有更好的環境點解唔離開 ? " 之類的說話

誠言,講到底配音都係一份工作,1991年林保全亦因為高薪挖角過了亞視,無咩責任為了角色而在一間公司stay一世
但間公司有無為了作品質素而作好了呢? 咁多年我真係睇唔到有咩特別做過
所有事情都係亡羊補牢
以上結論都係我從細個睇tvb睇到宜家的結論

  • 0
  • 0
頭像
靈長類動物
叮噹小城副城主
叮噹小城副城主
 
文章: 1564
註冊時間: 2006-06-17, 週六 3:53 PM
性別: 秘密
狀態: 潛水中
聲望值: 70
語出驚人語出驚人語出驚人語出驚人語出驚人語出驚人語出驚人語出驚人

Re: 看完sbm2後,打一篇香港多啦a夢配音感想

未閱讀文章 #5樓, 由 yimkakeung » 2021-08-21, 週六 11:00 PM , 繁簡轉換:  

文章連結:
個人覺得只要TVB不再對配音員下手應該沒問題,有些配音員70多歲都還在配音組

  • 0
  • 0
yimkakeung
叮噹小城大帥
叮噹小城大帥
 
文章: 325
註冊時間: 2009-06-22, 週一 9:11 PM
性別: 秘密
花名: 強強
聲望值: 19
稍有作為稍有作為


回到 ○叮噹(多啦A夢)○

誰在線上

註冊會員: Bing [Bot], Google [Bot], Google Search Appliance, Tbot

cron